BERTSOAK
Zorion etxe hontako denoi,
oles egitera gatoz,
aterik ate ohitura zaharra
aurten berritzeko asmoz.
Ez gaude oso aberats diruz
ezta ere oinetakoz,
baina eztarriz sano gabiltza,
ta kanta nahi degu gogoz.
Santa Ageda bezpera degu
Euskal Herriko eguna,
etxe guztiak kantuz pozteko
aukeratua deguna.
Santa maitea gaur hartu degu
gure bideko laguna.
Haren laguntzaz bete gentzake
egun hontako jarduna.
Mendi tontorrak elurrez zuri
talaialdean laiotza
Auzo honetako jaun-andreek
dute urrezko bihotza.
Santa Agedak kendu digu
eskean hasteko lotsa,
dirurik ez bada berdin zaigu
gizendutako bildotsa.
Zelai erdian loreak argi
larros, krabelin ta lili.
Etxe honetako nagusiak
eskuzabala dirudi.
Etxe honetan urdai-azpiko
asko kakotik zintzilik
ta lukainka gorriak ugari
betetzeko poltsa guri.
Dunboa ikastetxetik gatoz
gure auzoko eskola.
Bertatik kopla zaharrak abesten
ez gara aspertzen inola.
Lurra esnatuz kantari gatoz
poltsa hutsik daukagula
bota diru pixka bat mesedez
ez bazaizue axola.